Perfundon ne prangat e policisë nje i ri ne Korçe, pasi ne makine iu zbulua nje sasi prej 46 kg “mall”. Policia ben me dije se ka prangosur shtetasin Th.Dh., 34 vjeç, banues në Korçë, i cili ka tentuar të largohet, por është kapur pas ndjekjes nga Policia.
Arrestimi i tij u be ne kuader te operacionit te koduar “Ndjekja”, gjate te cilit u sekuestruan 46 kg lëndë e dyshuar si kanabis dhe 20 000 euro. Më poshtë, mund të lexoni njoftimin e plotë të Policisë lidhur me aksionin policor “Ndjekja”.
NJOFTIMI
Në vijim të punës për parandalimin dhe goditjen e veprimtarisë krminale në fushën e narkotikëve, shërbimet e Komisariatit të Policisë Korçë në bashkëpunim me specialistët për Hetimin e Narkotikëve në DVP Korçë, organizuan dhe finalizuan operacionin antidrogë të koduar “Ndjekja”.
Si rezultat i operacionit u bë kapja dhe arrestimi në flagrancë i shtetasit Th.Dh., 34 vjeç, banues në Korçë, i cili ka tentuar të largohet, por është kapur pas ndjekjes nga Policia.
Gjatë kontrollit të ushtruar në mjetin tip “Benz”, të cilin ky shtetas drejtonte, iu gjetën 46 kg lëndë e dyshuar narkotike Cannabis Sativa, kurse gjatë kontrollit në banesën e tij, iu gjetën e sekuestruan edhe 20 000 Euro si edhe 10 aparate celulare.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
