Kryeministri Edi Rama ka replikuar me kreun e PD-së, Lulzim Basha, pas deklaratave të këtij të fundit për kreun e Bashkisë së Vaut të Dejës, Zef Hila i cili u shkarkua nga Rama. Me një shënim në rrjete sociale, Rama i thotë Bashës t’i japi “xhevap Zef Hilës që tha shkollën e dogje ti me atë fotokopjen e shëmtuar të enveristëve më kokëboshë të 91shit, Aleanca e Demokratëve a si e quan ti”. “Artist, dil jepi xhevap Zef Hilës që tha shkollën e dogje ti me atë fotokopjen e shëmtuar të enveristëve më kokëboshë të 91shit, Aleanca e Demokratëve a si e quan ti! Dil Artist, se është koha të marrësh përgjegjësi për dyfytyrësinë e javës së fundit, hidh gurin e fshih dorën”, shkruan Rama.
