Një tjetër përson ka humbur jetën në bregdetin shqiptar, gjatë këtij sezoni turistik. Policia raporton se ka humbur jetën një pushues, rreth 70 vjeç, në Plazhin e Durrësit. Sipas policisë, i moshuari, banues në Bosnje, është futur në det për t’u larë, por nuk është ndjerë mirë. Ai është nxjerrë nga pushuesit dhe është nisur menjëherë drejt spitalit, por nuk ka mundur të mbijetojë.
Informacion Paraprak: Më datë 08.07.2019,rreth orës 11:45, në lagjen nr.13,Durrës, shtetasi F.M., rreth 70 vjeç, banues në Bosnje, është futur në det dhe nuk është ndjerë mirë, ai është nxjerrë nga pushuesit dhe është transportuar në Spitalin Rajonal Durrës, ku ka ndërruar jetë, dyshohet arrest kardiak. Grupi Hetimor po punon për zbardhjen e plotë të ngjarjes.
