![](https://www.shkodraweb.com/wp-content/uploads/2017/09/smajab.jpg?x87856)
Nga Blerti Delija
Kush nuk e ka njohur Bardh Smajen nga afer, duke bashkebiseduar te pakten nje here me te ne tavoline, ka humbur dicka me vlere ne jete. Nuk dua te sjell ne vemendje dimensionin e Bardhit as si aktor, as si regjisor, por si njeri, si bashkebisedues ne tryeze. E sot ne kete 61 vjetor te lindjes qe ai do te festonte i rrethuar nga familjare e shume miqe shoke, dua te kujtoj edhe per humorin e tij te spikatur, batuten e momentit dhe me zgjuarsi, madje edhe gjate seriozitetit te provave ne teater. Une e kam njohur edhe ne nje dimension tjeter, pavaresisht se per nje kohe realtivisht te shkurter, drejtues i nje televizioni lokal. Per here te pare e ndoshta te fundit, nje media lokale u be nje me teatrin “Migjeni”, me artin e artistet, u kthye ne nje tribune per amplifikimin e vlerave te padiskutueshme. E natyrisht, merita me e madhe i takon Bardhit, por edhe mikut te tij Ismet Drishti qe per here te pare e te vetme deri tani, ishte regjisor i nje nje televizioni lokal ne Shkoder, edhe pse per nje kohe te shkurter. Bardhi ishte drejtues qe linte shume, po shume hapesire veprimi. Normalisht, duke keshilluar, por vetem deri aty ku ai mendonte se ishte brenda njohurive te tij, realisht shume te gjera. E per te mbyll keto rreshta per mikun tone Bardh Smaja ne kete pervjetor qe i mungon shumekujt ne Shkoder e me gjere, me kujtohet nje batute qe e kujtoj shpesh, kur po i beja nje interviste dhe po mundohesha te sillja ne vemendje te publikut vlerat e tij si aktor, te gershetuara me ato si muzikant. Me modesti por edhe me zgjuarsi te vecante, leshoi batuten e momentit: “Blert, normalisht une nuk jam aktori me i mire, por padyshim jam klarinetisti me i mire nder aktoret”.
VIDEO: Lamtumira per Bardh Smajen