Ditë aksidentesh në Shkodër. Pas daljes nga rruga të një makine në fshatin Zagorë të M.Madhe, në aksin Shkodër- Hani i Hotit, gjatë mbrëmjes është regjistruar një tjetër aksident. Një automjet ka përplasur një këmbësor në afërsi të fshatit Vrakë, kufiri në mes Shkodrës dhe Malësisë së Madhe. Përsoni i dëmtuar nga përplasja e makinës, është dërguar për ndihmë mjekësore në Spitalin Rajonal të Shkodrës.
Sipas informacioneve paraprake, personi i aksidentuar është identifikuar si Ilir Ivziku, 49 vjeç. Ndërkohë, policia në vendngjarje, po punon për zbardhjen e rrethanave të paqarta të këtij aksidenti.
Malësi e Madhe, Shkodër- Informacion Paraprak
Më datë 29.01.2020, ora 22:30, në aksin rrugor Shkodër – Koplik, në vendin e quajtur “Ura e Vrakës“, fshati Vrakë, Malësi e Madhe, një mjet ende i pa identifikuar, i cili është larguar nga vendi i ngjarjes, ka aksidentuar shtetasin I. I. 49 vjeç, banues në fshatin Boriç i Madh, Malësi e Madhe dhe ndodhet nën kujdesin e mjekëve në Spitalin Rajonal Shkodër.
Po punohet për identifikimin dhe kapjen e drejtuesit të mjetit. Në vendngjarje grupi hetimor po punon për sqarimin e rrethanave të aksidentit.
