Aldiron Shehu quhet personi i cili ishte në makinën “Passat” me ngjyrë të zezë e cila përfundoi e përmbysur pasi u përplas me dy mjete të tjera në Elbasan gjatë një ndjekje policore që prej Pogradecit. Ai është vënë në prangat e policisë pas aksidentit të mëngjesit të sotëm.
Mësohet se tre automjete janë përfshirë në një aksident në Elbasan sot nga i cili 5 persona kanë përfunduar të dëmtuar në spital. Ka rezultuar një ndjekje si në filma ajo e policisë ndaj një makine të dyshuar, me të cilën ka pasur edhe shkëmbim zjarri. Burimet bënë me dije se mes të lënduarve është edhe një polic. Ai është identifikuar si shtetasi Eugen Abdurrazaku. Mësohet se makina “Passat” ka qenë në ndjekje nga policia dhe prej saj është shtënë në drejtim të uniformave blu.
Në njërën makinë të përfshirë në aksident e cila është me targa të huaja janë gjetur edhe targa false. Policia ka qenë në ndjekje të njërës prej makinave me targa të huaja, që nga Labinoti. Ngjarja ka ndodhur rreth orës 9:15. Pasi nuk kanë ndaluar personat që ndodheshin në mjet, policia ka shtënë për t’i shpuar gomat, më pas makina e zeze i është kundërpërgjigjur dhe ka ndodhur edhe përplasja.
EMRAT E TE AKSIDENTUARVE TË IDENTIFIKUAR
Durim Aqif Plaka
Eugen Abdurrazaku, polici
Adriana Agim Mukja
Albert Agim Cani eshte instruktori
