Është regjistruar një tjetër jetë e humbur nga virusi në vendin tonë. Mësohet se ka ndërruar jetë te Spitali Infektiv një 90-vjeçar i sëmurë. Kjo është jeta e dytë e humbur e shënuar gjatë 24 orëve të fundit, pasi më herët u raportua se ka ndërruar jetë një 34-vjeçare e infektuar me COVID-19 tek Infektivi, e cila sipas Ministrisë së Shëndetësisë kishte dhe sëmundje bashkëshoqëruese.
Me shuarjen e të moshuarit shkon në 48 numri i personave që kanë ndërruar jetë si pasojë e Covid-19 në vendin tonë.
Njoftimi i Ministrisë së Shendetësisë
Një pacient 90 vjeçar nga Tirana ka ndërruar jetë në spitalin infektiv në QSUT, i prekur nga COVID19, me disa sëmundje bashkëshoqëruese silikoza, hipertension. Ministria e Shëndetësisë i shpreh ngushëllime familjes së të ndjérit dhe i rikujton qytetarëve rëndësinë që ka respektimi i masave mbrojtëse për të kufizuar përhapjen e COVID-19
