Dita e sotme ka qenë mjaft e veçantë për këngëtarin Sidrit Bejleri, i cili ka festuar 10-vjetorin e djalit të tij, Amad. Këngëtari ka zgjedhur t’i dedikojë djalit fjalët më të ndjera duke treguar se lutet gjithmonë për të që fati ta ndjekë kudo.
Sidriti i ka shkruar të birit se do e dojë shumë dhe kur një ditë mos të jetë pranë tij dhe se uron që gjithë rruga e Amadit të jetë e mbushur me vepra të mira. Edhe ndjekësit kanë lënë komente të ndryshme duke e uruar Bejlerin për ditëlindjen e të birit, i cili rritet tashmë çdo ditë e më shumë.
Publikimi i plotë i Bejlerit në Instagram
Në këtë 10 vjetor të dhurimit tek ne… Mos e harro kurrë që t’du shumë!
Shpresoj që të kesh besim në vete, aq shumë sa kam besim në ty! Lutem të jesh gjithmonë mirë, kudo fati do të të tërheqë! Shijoje rrugëtimin tënd duke përkujtu Krijuesin, atë për çfarë erdhëm në këtë jetë dhe se këtu të gjithë jemi udhëtarë!
Mos harro kush je, prej nga vjen dhe rrugën që të kthen në Shtëpi!
Nuk të premtoj se do t’jem këtu, në të gjithë të ardhmen tënde, por të jap fjalën se do të t’du gjithmonë, edhe kur t’mos jem më këtu!
Falenderoj Zotin që të solli këtu dhe e lus të të japë jetë të gjatë me vepra të mira!
Me dashni Babi!
