![](https://www.shkodraweb.com/wp-content/uploads/2020/09/superkupa-europe-2020.jpg?x87856)
Bajern Mynih merr një tjetër trofe për vitin 2020 dhe të parin për sezonin e ri futbollistik. Kampionët në fuqi të Europës, ia kanë dalë të mundin Seviljen në ndeshjen për Superkupën e Europës.
Ka qenë një përmbysje e gjermanëve, të cilët në fakt kanë pësuar gol që në minutën e 13- të me anë të Lucas Ocampos. Goli i parë i ndeshjes ka ardhur me 11- metërsh për spanjolët.
Duhet thënë se Bajern ka dominuar takimin, ku nuk kanë munguar rastet e shumta për shenim. Nuk ka vonuar në fak të vijë goli i barazimit, me aautor Goretzka në minutën e 34- ët. Me këtë rezultat u mbyll edhe pjesa e parë.
Në pjesën e dytë, gjermanët kanë patur shumë mundësi shënimi, por pa gjetur golin. Koha e rregullt ka përfunduar në barazim dhe janë luajtr 30 minutat shtesë. Goli ka ardhur në minutën e 104, me autor Javi Martinez i cili hyri si zëvendësues. Kështu Bajern merr një tjetër trofe, i katërti për vitin 2020 dhe Superkupa e dytë e Europës për të. Kjo ndeshje u zhvillua me një numër të kufizuar tifozësh në shakllët e stadiumit të Budapestit në Hungari. /ShkodraWeb Media/