![](https://www.shkodraweb.com/wp-content/uploads/2020/09/rruga-arbrit-ura-metalike.jpg?x87856)
Një 53 vjeçar ka humbur jetën teksa punonte për ndërtimin e Rrugës së Arbrit. Policia e Dibrës bën me dije se shtetasi Astrit Alla, ishte duke punuar me një automjet të rëndë vinç për ndërtimin e një prej urave në zonën e Klosit kur është aksidentuar.
Ngjarja është regjistruar mëngjesin e sotëm rreth orës 09:40 minuta. 53 vjeçari punonte për kompaninë “Gjoka Konstruction”.
Njoftimi i policisë:
Rreth orës 09.40, në rrugën e Arbrit, shtetasi A. A., rreth 53 vjeç, duke punuar me një automjet të rëndë (vinç) në urën e fshatit Fshat, Klos, është aksidentuar dhe për pasojë ka humbur jetën.
Grupi hetimor ndodhet në vendngjarje dhe vijon hetimi për zbardhjen e shkaqeve të ngjarjes.