![](https://www.shkodraweb.com/wp-content/uploads/2020/10/senida-mesi-suzana-golemi.jpg?x87856)
Deputetja e Shkodrës Senida Mesi, është rikthyer sërish në Universitetin e Shkodrës, prej nga u larguar në korrik 2017, kur mbante detyrën e administratores. Ka qenë vetë ish- zëvendëskryeministrja Mesi që ka bërë publik lajmin përmes një postimi në rrjete sociale, duke e shoqëruar edhe me një foto të takimit.
“Me Prof. Suzana Kuci-Golemi, rektoren e Universiteti Luigj Gurakuqi, Shkodër.
Diskutuam problematikat dhe nevojat e Universitetit, duke filluar nga unifikimi i notës mesatare për hyrjen në sistemin bachelor, nevoja për rikonstruksion, mundësi për hapjen e degëve të reja bachelor dhe doktoraturë dhe realizimin e premtimeve për “Paktin për Universitetin”.
Shumë projekte për tu zhvilluar dhe shumë punë për tu bërë!”, shkruan Mesi.
Kujtojmë se Mesi u largua nga “Luigj Gurakuqi” pasi u zgjodh deputete në 2017- ën. Takimi i sotëm me rektoren Golemi duket se ka qenë më shumë se një takim kortezie, nisur nga vetë publikimi i Mesit në rrjete sociale. /ShkodraWeb Media/