![](https://www.shkodraweb.com/wp-content/uploads/2020/10/ambrozia-meta-rama-0.jpg?x87856)
Kryeministri Edi Rama ka zhvilluar sot një takim me gazetarët, ku i është përgjigjur edhe pyetjeve të drejtuara nga ata. Megjithatë, duket se shefi i qeveris nuk ka preferuar të ketë përballë të gjithë gazetarët, duke preferuar ti ftojë privatisht përmes Zyrës së Shtypit, vetëm disa prej tyre. Këtë e pohon edhe gazetarja e Syri TV, Ambrozia Meta, e cila ka publikuar edhe një mesazh të shkëmbyer me koordinatoren e Zyrës së Shtypit të PS- së.
“Sot, Kryeministri Rama, në cilësinë e Kryetarit të PS, zhvilloi një bashkëbisedim me gazetarët. Koordinatorja e Zyrës se shtypit të Partisë Socialiste, ka ftuar privatisht gazetarët që të marrin pjesë në bashkëbisedim.
Më shumë se përjashtimi im nga ky bashkëbisedim, që nuk është i fundit se e marta vjen shpejt, është shumë e turpshme se si genjen kjo Koordinatore e zyrës së shtypit të Partisë Socialiste pak para se kati i parë i selisë rozë të gëlojë nga gazetarët e të gjithë televizioneve të tjera.
Syri TV nuk e transmetoi bashkëbisedimin e Ramës. E marta vjen shpejt.”, shkruan gazetarja Meta, e cila publikon edhe një screenshot të bisedës me koordinatoren e PS-së. /ShkodraWeb Media/