![](https://www.shkodraweb.com/wp-content/uploads/2020/10/artan-hoxha-ngjarja-vrith.jpg?x87856)
Gazetari i mirënjohur investigativ Artan Hoxha, i është rikthyer ngjarjes së rëndë në Vrrith të M.Madhe, ku dy të rinj u ekzekutuan nga një kushëri i tyre për çeshtje që lidheshin me kutivimin e bimëve narkotike. Përmes një postimi në Facebook, Hoxha ka publikuar foto, sipas tij të vendngjarjes, ku shihen parcela që digjen. Gazetari Hoxha mbështet idenë se zjarri ishte në parcelat me kanabis, të cilat nuk duhej të gjendeshin nga policia që kërkonte Vilson Çutaj dhe Klement Pepaj.
Ai aludon se pikërisht për këtë arsye, policia vonoi pesë ditë për të gjetur trupat e të rinjve. Ai sjell në vëmendje reshjet e shiut ato ditë në M.Madhe dhe praninë e zjarrit, teksa saktëson se fotot janë shkrepur mesditën e 8 tetorit 2020.
PUBLIKIMI I GAZETARIT ARTAN HOXHA
Per shefat qe duan prova dhe fakte per kanabisin e ketij viti. E mbani mend ngjarjen e 3 tetorit ne Malesi te Madhe, ku mbeten te vrare Vilson Çutaj dhe Klement Pepa?! Ajo ngjarja ku kufomat e viktimave, u gjeten pese dite nga pasi kishte ndodhur krimi.
Ne momentin e pare, kur publikova ngjarjen, denoncova faktin, se ngjarja ka ndodhur per shkak te parcelave me kanabis. “Çuditerisht” policise iu deshen plot 5 dite per te gjetur kufomat, sepse nuk shkonte te parcelat me kanabis.
Diten qe policia e drejtuar nga Rrok Pepaj, babai i personit te dyshuar si autor i ngjarjes, Daniel Pepaj, shkoi ne vendin e quajtur Rrenza e Grecajve, bash ne “miniparcelen” me kanabis, gjeti dhe dy kufomat e te vrareve.
Por per habi, ndersa policia shkoi ne skenen e krimit, ne nje zone te pyllezuar, perpara se te gjente viktimat, pa nga larg tymin e zjarrit, qe po digjte parcelen me kanabis. Si eshte e mundur te kishte zjarr ne nje zone ku prej 3 ditesh binte shi?!
Kur askush nuk e dinte, as ku ishin te vraret dhe as ku ishin parcelat me kanabis, kush dreqin i kishte vene zjarrin kanabisit?! A sherbeu vonesa prej 5 ditesh per te gjetur te vraret, si kohe e mjaftueshme per te asgjesuar parcelat me kanabis dhe per te fshire gjurmet nga vendi i krimit?!
Tashme eshte e qarte, se Vilson Çutaj dhe Klement Pepaj jane viktimat e para te kanabisit te kultivuar gjate ketij viti.
Urojme sepaku, qe te jene viktimat e fundit te narko-kultures 2020. Me poshte, 3 foto, te shkrepura mesditen e 8 tetorit 2020, ku duket zjarri qe po digjte parcelen me kanabis, ne momentin kur policia shkoi ne vendin e ngjarjes dhe gjeti dy te vraret ne Rrenzen e Grecajve.