![](https://www.shkodraweb.com/wp-content/uploads/2020/12/oshee-shkoder-defekt-0.jpg?x87856)
Është dashur ndërhyrja e grupit të defekteve nga Tirana që të riparohet një defekt gjatë natës së kaluar.. Rreth orës 19.30, rreth 1200 abonentë mbetën pa energji elektrike, si pasojë e një defekti. Në zonën e Shirokës, Luguçezmes, Qafë dhe tek Bexhisteni, pati ndërprerje të energjisë elektrike.
Menjëherë kanë dalë në terren grupet e OSHEE Shkodër, ndërsa në ndihmë erdhi edhe grupi i defekteve të Tiranës. Pas rreth 8 orëve, u bë e mundur që të rikthehej energjia për rreth 1200 abonentë.
PUBLIKIMI I OSHEE SHKODËR
?Mbreme rreth ores 19:30 në zonën e Shirokes ,Lukuçezmës ,Lagjia Qafë ,Bexhisteni u konstatua defekt në kabllin nëntokësor të TM. ⚡️Me suportin në kohë reale edhe të grupit të defekteve Tiranë u arrit që në oren 03:00 rreth 1200 abonentë të marrin energji normalisht.