Konspiracionisti Alfred Cako ka qenë i ftuar pasditen e sotme në emisionin “Rrethi katror”, ku ka folur për një sërë çështjesh, mes të cilave edhe emërimin e Blendi Çuçit në krye të Ministrisë së Brendshme dhe klonimin e Edi Ramës.
Ai tha se Kryeministri jonë nuk është Edi Rama por një klon, edhe Putin është një klon dhe se kloni projektohet në mënyrë të atillë që ka të gjitha informacionet që ka pasur ajo që klonon një dhe kloni mendon se është personi të cilin përfaqëson.
“Gojët e liga thonë se pasi u kthye nga USA, Kryeministri jonë nuk është Edi Rama por një klon, edhe Putin është një klon dhe Mike Pence është një klon i cili sapo u vaksinua dje, ndërsa Trump dhe Biden nuk janë shprehur për vaksinën.
Liderët e vërtetë sipas ideve konsperacioniste… edhe Sadam Hyseni është gjallë dhe ka jetuar në një nga qytetet nëntokësore të Brazilit dhe po kështu thuhet edhe për Abraham Linkoln ku mendohet se është vrarë por nuk është vrarë, por ka jetuar në një vend të fshehtë derisa ka vdekur.
Kloni projektohet në mënyrë të atillë që ka të gjitha informacionet që ka pasur ajo që klonon një dhe kloni mendon se është personi të cilin përfaqëson”, tha Cako.
