Zëvendëspresidenti Mike Pence që drejtonte mbledhjen e Konresit për të certifikuar fitoren e Joe Biden, është evakuuar nga Capitol Hill në Washington, bën me dije CNN.
Zëvendëspresidentja e zgjedhur Kamala Harris është brenda Kongresit që për momentin është i kyçur. Stafi i saj bën me dije se është e sigurtë.
Ndërkohë, Presidenti i SHBA, Donald Trump i ka bërë thirrje protestuesve që kanë mësyrë në godinën Capitol ku ndodhet Kongresi që të ruajnë qetësinë.
Trump thekson se protestuesit duhet të mbështesin policinë dhe zbatuesit e ligjit, pasi ata janë në anën e vendit.
Sot Trump thirri një protestë paralelisht me debatin në Kongres për certifikimin e zgjedhjeve në SHBA nga doli fitues Joe Biden. Trump deklaroi qartë se nuk do pranonte rezultatin, dhe mbështetësit e tij të revoltuar vendosën të ndërpresin mbledhjen në Kongres duke hyrë brenda godinës së Capital.
‘’Ju lutemi mbështesni Policinë e Kapitolit dhe zbatuesit e ligjit. Ata janë me të vërtetë në anën e vendit tonë. Qëndro i qetë!’’- shkruan Trump.
