Policia e Shkodrës hap procesin e aplikimeve të sherbimit të Policimit Vullnetar, ja cilat janë kriteret

Policia e Shkodrës , ka hapur procesin e aplikimeve të shërbimit të Policimit Vullnetar për vitin 2021. Kriteret e pranimit në shërbimin e Policimit Vullnetar:

• të jetë shtetas shqiptar;

• të ketë zotësi të plotë juridike për të vepruar;

• të mos jetë i përjashtuar nga Policia e Shtetit apo i larguar nga administrata publike;

• të ketë përfunduar arsimin e mesëm;

• të mos jetë i dënuar me vendim gjykate të formës së prerë për kryerjen e një krimi apo kryerjen e një kundërvajtjeje penale me dashje;

• të jetë i moshës nga 18 deri në 65 vjeç, në gjendje të mirë shëndetësore dhe i aftë fizikisht për të kryer detyrën.

Aplikantët për shërbimin e Policimit Vullnetar duhet të paraqesin pranë Drejtorisë Vendore të Policisë Shkodër dokumentacionin e mëposhtëm:

• Formularin e aplikimit;

• Fotokopje të kartës së identitetit;

• Dokument që vërteton përfundimin e arsimit të kryer;

• Vërtetim nga Gjykata dhe Prokuroria;

• Raport mjeko–ligjor.