Opozita e Bashkuar, nëse do të votohej sot, do të mundte PS- në në zgjedhje. Këto janë rezultatet e Noto Sondaggi, të bëra publike në Ora News. Lidhur me orientimin e votës për PS-në sot do të votonin nga 41-45%, me një rënie me 1% nga data 19 janar ku kjo shifër ishte 42-46%.
Ndërsa për PD-në ka pasur një rritje me 1%, duke shkuar nga 33-37% në 19 janar në 34-38 ditën e sotme. Rënie ka pësuar edhe LSI me 1% nga 19 janari, ku ishte në kuotat 9-13%, ndërsa sot kap shifrën 8-12%.
PDIU ka qëndruar në kuotën e saj të 19 janarit nga 1-3%. Ndërkohë, rritje kanë pësuar edhe partitë e tjera me 1%.
