![](https://www.shkodraweb.com/wp-content/uploads/2017/09/bashagazetaret.jpg?x87856)
Deklarata të forta për bandat kriminale në vend kanë ardhur edhe nga kreu i Partisë Demokratike, Lulzim Basha, i cili tha se bandat kriminale dhe krimi i organizuar po veprojnë anembanë Shqipërisë. Basha dha alarmin se vendi është në prag të greminës dhe në një katastrofë totale, pasi sipas tij, po qeveriset nga një qeveri e blerë me para të pista.
Duke e lidhur situatën direkt me kryeministrin Edi Rama, që sipas tij, është përgjegjësi kryesor, kreu i demokratëve deklaroi se PD po përgatit një plan politik dhe ligjor për të nisur së bashku me qytetarët shqiptarë një luftë kundër krimit.
“Blerja, dhunimi dhe tjetërsimi i votës u bë me para të pista, mes bandave kriminale dhe krimit të organizuar që veprojnë anembanë shqipërisë. Qytetarët e kanë të qartë se kur një qeveri del nga shit-blerja e votës edhe vetë qeveria është e blerë. Vendi është në prag të një gremine, në katastrofë totale përsa i përket demokracisë. Kjo është një kambanë alarmi, ndaj PD po përgatit plan politik dhe ligjor për të nisur së bashku me shqiptarët një luftë, e cila do ketë vetëm një përfundim, mposhtjen e krimit, që do sjellë patjetër dhe mposhtjen e mjeshtërve politikë. Ti kërkosh Ramës të luftojë krimin, do të thotë t’i kërkosh të luftojë veten. Aleancë të vlerave me të gjithë qytetarët, e ardhmja e të cilëve cenohet rëndë. T’i japim vendit zgjidhjen e vetme, që është largimi i kartelit të krimit, me në krye Edi Ramin”, tha Basha.
https://www.facebook.com/lulzimbasha.al/videos/1649243888460119/