![](https://www.shkodraweb.com/wp-content/uploads/2021/03/arjan-sala-magazin-djegur.jpg?x87856)
ShkodraWeb Media ka siguruar foton teksa shihet Arjan Salja duke vrapuar të futet në magazinën e qendrës tregtare pasi kishte rënë zjarri. Shfaqet për herë të parë foto kur Arjan Sala vraponte për në magazinën e qendrës tregtare Casa Italia, kur aty kishte rënë zjarri që ai nuk e dinte se do t’i merrte jetën.
I riu duket teksa nxitonte për të shkuar në vendin e zjarrit, ku i shpëtoi jetën shumë personave, por vetë mbeti brenda. Familja Sala, në zonën Kthesës së Kamzës, në Tiranë, hapi të shtunën dyert e mortit, për t’i bërë nderimet e fundit djalit të shtëpisë, heroit të heshtur, Arjan Sala. Trupi i pajetë i Salës u gjet 56 orë pas rënies së zjarrit.
Ai u nxor nga aty mëngjesin e së shtunës, kur edhe u lajmëruan familjarët. Ceremonia mortore u organizua në shtëpinë e tij në afërsi të Kthesës së Kamzës, ndërsa arkëmorti u drejtua për te varrezat e Bathores në orën 14:00 të së shtunës.
Trupi i pajetë i Salës u gjet pranë një dere metalike të magazinës, rreth orës 03:00 të mëngjesit. Ekspertët treguan se ai dyshohet të ketë humbur jetën nga asfiksia, në përpjekje për të shpëtuar sa më shumë njerëz dhe nuk ka mundur të dalë më nga aty.