![](https://www.shkodraweb.com/wp-content/uploads/2021/04/harmonia-16.jpg?x87856)
Shkruan në Facebook kryetarja e Bashkisë së Shkodrës Voltana Ademi: Jam e lumtur sot që përuruam qendrën e parë publike “Harmonia”, qendër që do ti sherbejë fëmijëve autikë. Numri në rritje i fëmijëve të diagnostikuar me Autizem dhe problematikat e shumta të familjeve, fëmijëve dhe prindërve në komunitetin tonë, por veçanerisht “Fondacioni Fëmijët Shqiptarë” me doktoreshë Liri Berishën na nxitën që rreth 2 vite më përpara të fillonim rrugëtimin tonë për ngritjen e një qendre të specializuar për ofrimin e shërbimeve për fëmijët me Autizem.
Përpjekjet tona dyvjeçare u finalizuan me krijimin e tashmë funksionimin e qendrës “Harmonia”, e hapur për të gjithë. Dua të falenderoj me zemës ata që na ndihmuan në sipërmarjen tone UNDP dhe Shoqatën e Bashkive të Shqipërisë.
Faleminderit prindërve që u bënë pjesë aktive në ofrimin e shërbimeve pranë “Harmonisë”. Një falenderim të veçantë për të gjithë ato që punojnë çdo ditë në rritjen, zhvillimin, fuqizimin dhe ofrimin e shërbimeve për fëmijët me autizëm.