![](https://www.shkodraweb.com/wp-content/uploads/2021/04/vllaznia-finalja-kupa-2021.jpg?x87856)
Shkruan në Facebook Ideal Lekiqi, trajner i portirëve tek KF Vllaznia sh.a.: Bravo djem, me shpirt bravo… Sakrifikuat dhe ja ku jemi dhe kjo është meritë vetëm e juaja për mundin, sakrificën dhe përkushtimin tuaj në çdo ditë, në çdo situatë dhe vetëm ne që jemi çdo ditë me ju e dimë se sa djersë keni derdhur për këto momente të bukura që po i jepni qytetit dhe tifozëve tanë të mrekullueshëm.
Shumë gojë janë mbyllur, shumica nga kënaqësia që po ju jepni dhe disa të tjera nga smirllëku të cilët fërkonin duart nga një moment jo i juaji por unë sot dua t’ ju them atyre vetëm “FALEMINDERIT”.
Sepse veç na bëni më të fortë, fatmirësisht nuk keni asgjë tjetër në dorë përveç tastierës së telefonit tuaj. Jemi në finale të Kupës së Republikës dhe kandidat potencial për titullin Kampion prandaj edhe një sforco të vogël për sprintin final se Shkodra dhe njerzit e mirë të saj që fatmirësisht i ka me shumicë do t’ ua dijë për nder.