![](https://www.shkodraweb.com/wp-content/uploads/2017/09/ramavelipoje.jpg?x87856)
Nga Blerti Delija
Neser do te zyrtarizohet ne Asamblene e Pergjithshme te PS-se lista e zevendesministrave te rinj te qeverise “Rama 2”. Sot, media te ndryshme prane qeverise, kane nisur te publikojne emrat qe sipas tyre, do te zyrtarizohen neser (te shtunen) nga kryeministri Rama. Po ashtu, neser pritet te zyrtarizohen edhe 12 prefektet e rinj te qarqeve.
Pyetja qe mund te ngrihet pak ore para zyrtarizimit te zevendesministrave te rinj, eshte: A do te kete perfaqesim ne kete nivel qeveritar Shkodra? Duke u kthyer ne kohe, ne vitin 2013, Shkodra kishte nje perfaqesim dinjitoz ne kete nivel qeverisjeje. Te pakten 3 ishin zevendesministrat nga Shkodra: Radovani, Bejko dhe Cuni. 4 vite me pas, gjerat duken disi me ndryshe. Edi Rama i ka dhene nje perfaqesim mese dinjitoz Shkodres duke marre dy deputete ne kabinetin e tij qeveritar por edhe nje zonje, te pakten te lindur ne Puke. Senida Mesi eshte numri 2 i qeverise, Ditmir Bushati eshte rikonfirmim i drejtimit te Ministrise se Jashtme ndersa Etilda Gjonaj ka detyren e veshtire ne krye te Drejtesise. Ky perfaqesim, duket se mbyll “garen” per zevendesministrat. Por, burime nga PS Shkoder bejne me dije se jane derguar emrat e mundshem kandidate jo vetem per zevendesministra, por edhe prefekt e drejtore rajonale. Por sic eshte e kuptueshme, askush nuk arrin te pohoje se a do te kete dhe sa do te kete zevendesministra qarku i Shkodres ne qeverine Rama.
Nese nga ana e PS-se situata eshte si me siper, duket se pretendime per nje post te ketij niveli ka patur edhe PSD, me sakte deputeti Tom Doshi. Nga burime te besueshme mesohet se ai por edhe Gjinushi kane lobuar per te patur nje perfaqesim si zevendesminister dhe sipas gjasave, nese do te realizohet, mund ti perkase Shkodres. Ne fakt flitet edhe per emra, por meqe na ndajne vetem pak ore nga zyrtarizimi, nuk po i publikojme. Marreveshje me shume se PS-PSD, mund te jete Rama- Doshi, sidomos me forcen e treguar nga ky i fundit ne zgjedhjet e 25 qershorit por edhe me skemat e mundshme te bashkepunimit per zgjedhjet vendore 2019 per Bashkine Shkoder. Ne pamje te pare, nje zevendesminister nga rradhet e PSD-se duket thuajse i pamundur, por mund te “maskohet” ne emer te “bashkeqeverisjes me qytetaret”. Aq me shume kur tashme “pengesa Meta” e ketij bashkepunimi, eshte “internuar” ne Presidence.
Oret kur lista e zevendesministrave zyrtare do te merret vesh, po pakesohen. A do te kete Shkodra perfaqesim ne kete nivel apo jo? Kjo eshte nje pyetje qe pervec PS-se Shkoder, pret nje pergjigje edhe nga shkodranet. Edhe pse, me perfaqesimin ne nivelin e ministrave, duket se “i ka mbyllur gojen” e pretendimeve.
SONDAZH
[democracy id=”2″]