Ndërhyrja e shpejtë e MZSH- së Shkodër ka bërë të mundur që të neutralizohej një vatër zjarri e cila rrezikonte një banesë. Mësohet se një vatër zjarri u shfaq pak pas mesdite në një zonë me shkurre në Mali hebaj të Berdicës në Bashkinë e Shkodrës. Sapo është marrë informacioni, drejt vendngjarjes është nisur një mjet zjarrëfikës dhe tre efektivë të MZSH Shkodër.
Falë ndërhyrjes së shpejtë dhe profesionalizimit, është arritur që vatra e zjarrit të neutralizohej brenda një kohe të shkurtër. Të favorizuara nga shkurret por edhe temperaturat e larta, flakët rrezikonin një banesë aty afër. Fatmirësisht, çdo gjë ka përfunduar siç duhej, duke shuar një tjetër vatër zjarri në territorin e Bashkisë së Shkodrës.
