Një aksident tragjik i ka marrë jetën 3 anëtarëve të një familje shqiptare në Greqi.Ngjarja ndodhi në qytetin e Domokous.
Mësohet se makina ku udhëtonte familja shqiptare është përplasur me një kamion me çisternë. Mediat greke raportojnë se për pasojë nga përplasja fatale kanë ndërruar jetë babai 43-vjeçar, gruaja e tij 42 vjeçe dhe vajza e tyre.
I vetmi i mbijetuar, është djali 17-vjeçar, i cili ka mbetur i plagosur.
Deri më tani nuk dihen rrethanat e aksidentit të rëndë.
