Çështja në ngarkim ndaj ish-ministrit të Brendshëm Saimir Tahiri dhe ish-truprojave të tij është dërguar nga Gjykata e Lartë në Gjykatën e Posaçme të Apelit.
Kjo është konfirmuar për “BalkanWeb”, nga gazetarja Klodiana Lala. Kujtojmë se disa ditë më parë, Gjykata e Lartë argumentoi se ka shkelje procedurale gjatë gjykimit të Saimir Tahirit dhe ish-drejtorit Jaeld Cela.
Sipas Gjykatës, gjyqtarja Albana Boksi ishte në konflikt interesi pasi ka shqyrtuar çështjen Taulant Haxhiraj në një procedim të lidhur, duke nënkuptuar kështu se trupa gjykuese kishte në përbërje gjyqtarë që s’mund të merrnin pjese në gjykim. Vlen të përmendet se dënimi i fundit që mori Tahiri ishte me 5 vite burg i konvertuar në 3.4 vite shërbim prove.
SPAK e ka akuzuar për trafik droge, por deri më tani ish-ministri i Brendshëm është dënuar vetëm për shpërdorim detyre dhe asnjë nga 3 akuzat e tjera të ngritura nga Prokuroria.
