![](https://www.shkodraweb.com/wp-content/uploads/2017/10/drane840.jpg?x87856)
17 tetori eshte shpallur qe nga viti 1993 si Dite Nderkombetare per Zhdukjen e Varferise. Kjo dite duhet te ndergjegjesoje njerezit per nevojen e zhdukjes se varferise ne mbare boten dhe sidomos ne vendet ne zhvillim. Kjo dite eshte nje kembane alarmi edhe per Shqiperine e ne kete kuader, edhe per Shkodren. Jane me dhjetra, ndoshta qindra familjet e individet qe sot jetojne ne kushtet e varferise ekstreme. Por sot, kemi vendosur te kthejme ne vemendje dramen e nje gruaje te moshuar, Dranes. Ka qene personazh fatkeq i mjaft reportazheve e lajmeve ne ShkodraWeb. Me deshiren per te sensibilizuar instancat shteterore por edhe shoqatat e shumta, Dranja dhe problemet e saj jane afishuar shume e shume here ne portalin tone. E kemi takuar per here te fundit ne fund te veres. Sot, Dranja eshte serish aty. Por ndryshe nga hera e fundit kur i duhej te perballonte temperaturat e larta cfilitese, sot kjo grua e vetmuar duhet te perballet me temperaturat e ulta, sidomos gjate oreve te nates. Per ata qe e kane harruar, “shtepia” e saj jane keta blloqe betoni ku ulet dhe i perdor edhe si tavolina. Ushqehet me ate cfare “siguron” duke kontrolluar konteineret e mbeturinave ose fale ndonje zemergjeri qe i jep pak shprese ne formen e bukes apo ndonje ushqimi. Fatkeqesisht, eshte nje figure migjeniane por qe po shuhet gradualisht ne shekullin e 21-te perpara syve te indiferences tone. E sot, eshte dita kunder varferise ne bote. Deri tani, askush nuk eshte kujtuar qe te pakten ne kete dite, te lehtesoje sado pak jetesen e veshtire. Punonjes te Bashkise Shkoder, erdhen dhe e pane gjendjen, premtuan…por deri tani asgje me shume. Edhe shoqatat e shumta qe perbetohen per perkushtim ndaj shtresave ne nevoje, asgje. Fatmiresisht, temperaturat e ketij mestetori jane te larta. Favorizojne jeten e Dranes ne qiell te hapur, mbase duke u veshur pak me trashe se zakonisht. Por perpara eshte dimri, jane rreshjet e shiut te ftohte dhe ato te debores. Si ne kohen e Migjenit, Shkodra edhe sot ka simbolin e saj te varferise, por edhe te harreses tone kolektive. Ajo eshte Dranja, kjo grua e vetmuar, e cila mbase po kalon oret e fundit te jetes se saj para syve tane. Perpara Dranes por edhe shume e shume te tjerave si ajo, ne nuk mund ti shmangemi pergjegjesise sone si bashkefajtore! Ne nje menyre apo tjeter, te gjithe jemi te tille. Sot eshte 17 tetori, dita boterore kunder varferise. Me siguri qe Dranja nuk e di. Cfare urimi mund ti bejme sot asaj? Asgje, vec te kthejme syte nga qielli, te lutemi dhe te shpresojme qe edhe 17 tetori tjeter ta gjeje… dhe jo ne kushtet qe eshte sot. /ShkodraWeb/