Tri makina janë bërë shkrumb gjatë natës në qytetin e Laçit për arsye që janë ende mister.
Sipas informacioneve të para, rreth orës një pas mesnate, tri automjetet u përfshirë nga flakët. Ato ndodheshin pranë një banke në qytet.
Ndërhyrja e zjarrfikësve megjithatë nuk ka mundur të shpëtojë nga djegia asnjërin nga mjetet, por ka ndaluar djegien e të tjerave që ndodheshin pranë tyre.
Fillimisht flakët kanë përfshirë njërën makinë dhe më pas dy të tjerat. Ende nuk dihen shkaqet e zjarrit.
