![](https://www.shkodraweb.com/wp-content/uploads/2022/04/mevlan-shanaj-teatri-migjeni.jpg?x87856)
Regjisori dhe aktori i mirënjohur Mevlan Shanaj, ka folur me superlativa për teatrin “Migjeni” të Shkodrës. Përmes një shënimi në Facebook, Shanaj tregon se ka qenë vizitor dhe “u mbush me dashuri”.
PUBLIKIMI I MEVLAN SHANAJ NË FACEBOOK
Teatri Migjeni modeli. Sot në Shqipëri ka mbetur vetëm po vetëm një teatër që meriton emrin teatër. Një godinë me arkitekturë klasike dhe tejet komod. Salla e shkëlqyer dhe e mirëmbajtur me dy holle gati gati muzeale!
Që kur futesh në Teatrin e bukur me emrin “ Migjeni” ndihesh se po futesh në tempullin e Artit . Mpakesh në mjedisin e kulturuar estetikisht imponues.
Këtë herë isha si vizitor në çdo qoshe dhe u mbusha me dashuri për Shkodër Locen e magjishme ! Në fund të fundit një ide serioze: Mos i mundoni arkitektët ju që keni në dorë për të ndërtuar teatër: E keni gati modelin të paktën edhe për 300 vjet!