![](https://www.shkodraweb.com/wp-content/uploads/2017/10/ballataulantintreviste.jpg?x87856)
Kreu i Grupit Parlamentar të PS, Taulant Balla, ka reaguar në lidhje me mbledhjen e Këshillit të Mandateve, të thirrur nga PD për të diskutuar mbi imunitetin e deputetit Saimir Tahiri. Në lidhje me kërkesën për arrestimin e Tahirit, Balla tha se PS nuk do bëhet pengesë për asnjë kur bëhet fjalë për drejtësinë.
“Nuk ka për të pasur asnjëherë në kuvend një votë të ps kundër drejtësisë. Jemi këtu për t’i qëndruar fortë mesazhin që iu kemi dhënë shqiptarëve'”, tha Balla.
Përpjekjet idioteske të Halimit apo halimëve të tjerë të PD për ta kthyer këtë procedurë ligjore të drejtësisë në një teatër në interes të hallit të PD dhe jo në interes të PD.
Ka një dallim te madh ndërmjet grupit të PS, PS dhe Ramës, me hallexhinjtë e PD dhe hallexhinjtë e tjerë që i janë bashkangjitur. Ne jemi këtu në një luftë për drejtësi, ndërsa ata në një luftë për pushtet.
Duhet tua them të gjithëve qartë se këtë ngjarje e keni njoftuar ju si media, disa orë para se materiali të mbërrinte në prokurori.
Në bindjen tonë që për këdo, për cdo rast, ne do ta bëjmë procedurën njëlloj, edhe në rastin në fjalë, edhe në raste të tjera, me qëllim që beteja jonë për drjetësi të mos ketë pengesë. Edhe në ketë rast drejtësia është fjala e vetme, nuk kemi asnjë kompromis.
Jam i bindur që shumë shpejt kryetari i Kuvendit do bëjë njoftimin përkatës për këtë sikurse kryetari i grupit parlamentar dhe anëtarët e PS në Këshill iu ka bërë të ditur njoftimin për Këshillin.
Kukuvajkat që këtë teatër të hallit të tyre për pushtet duhet ta dinë që janë kukuvajka që reformën në drejtësi nuk e mbështetën kurrë.
Do ketë sonte mbledhje?
Ne po bëhemi gati për të mbërritur në godinën e Kuvendit dhe për të qenë në dispozicion.
Nuk ka për të pasur asnjëherë në Kuvend një votë të PS kundër drejtësisë. Jemi këtu për ti qëndruar fort mesazhit që iu kemi dhënë shqitparëve. /shqiptarja.com/
[democracy id=”4″]