![](https://www.shkodraweb.com/wp-content/uploads/2017/10/kokedhima.jpg?x87856)
I ftuar në emisionin ‘Të Paekspozuarit’ të gazetarit Ylli Rakipi në ‘News24’ kryetari i partisë ‘Zgjidhja’ dhe ish deputeti socialist, Koco Kokëdhima komentoi kërkesën e Prokurorisë për heqjen e mandatit dhe arrestimin e ish ministrit të Brendshëm Saimir Tahiri. Koco Kokëdhima tha se Saimir Tahiri është viktimë e Edi Ramës dhe i kërkon atij të bashkëpunojë me drejtësinë.
“Kjo historia e Tahirit, është vetëm maja e ajsbergut të një grupi të strukturuar kriminal me kokën e qeverisë dhe shtetit. Edi Rama do ta lëshojë Tahirin, do ta shesë. Saimir Tahiri është viktimë e Edi Ramës. Unë e këshilloj të bashkëpunojë me drejtësinë Saimir Tahirin. Tahirin dhe gjithë njerëzit e tij do i çojë si mish për kokë Rama. Unë e këshilloj Tahirin të bëjë kujdes për kokën e tij. Të bashkëpunojë me drejtësinë dhe të jetë i hapur me drejtësinë “- tha ish deputeti socialist.
[democracy id=”4″]