![](https://www.shkodraweb.com/wp-content/uploads/2022/04/iftar-bardh-spahia-2022.jpg?x87856)
Kryetari i Bashkisë Shkodër Bardh Spahia, me rastin e muajit të Ramazanit, ka shtruar një iftar. Në një fjalë të shkurtër përshendetëse, qytetari i parë i Shkodrës ka falenderuar për pjesëmarrjen, ndërsa ka evidentuar vlerat që shpalosen gjatë muajit të Ramazanit, mes të cilave solidariteti me njëri- tjetrin dhe forcimi i besimit në Zotin.
I pranishëm në këtë sofër vëllazërore, zëvendësmyftiu i Shkodrës Arben Halluni, ka falenderuar kryebashkiakun Spahia për shtrimin e iftarit, duke vijuar kështu një traditë tashmë të konsoliduar nga Bashkia e Shkodrës.
Muaji i Ramazanit, iftaret që organizohen përgjatë tij, janë tregues i harmonisë, mirëkuptimit dhe bashkëpunimit në me individëve e institucioneve, vlera që e kanë evidentuar Shkodrën në të gjitha etapat e zhvillimit të saj.