Ermal Mamaqi i është kundërpërgjigjur deklaratës së Eva Alikajt por jo drejtpërdrejtë. Ai ka zgjedhur të reagojë përmes një postimi në rrjetet sociale ku shkruan: “Miqtë e mi, askush nuk do t’ju dojë afër nëse nuk dini të silleni dhe t’i respektoni njerëzit. Njerëzit me vlera duan pranë tyre njerëz të tjerë me vlera.”
Të shumtë kanë qenë komentuesit që e kanë lidhur këtë me deklaratën e Evës. “Flet për sjelljen e vlerat. E tregove vet me sjelljen kundrejt artistes Eva Alikaj”- shkruan dikush ndërsa një tjetër shkruan se: “Përpara se të hedhësh kunja për aktoren e madhe Eva Alikaj duhet të pastrosh gojën”, teksa i ka bërë tag edhe Evës.
Aktorja deklaroi së fundmi se i ka kërkuar Ermalit që të marrë pjesë në serialin e tij dhe ky i fundit nuk ia ofroi një rol. Duke folur për vështirësitë që ka hasur në profesionin e saj pas rikthimit në Shqipëri, artistja zbuloi edhe një episod kur është refuzuar. Ajo tregoi se Ermali i kishte mbyllur telefonin kur e kishte kontaktuar për të marrë pjesë në projektin e tij. Në deklaratën e saj Eva nuk ngurroi të ironizonte Ermalin duke e cilësuar me fjalët ‘boss’ dhe ‘miliarder’. Ajo tha se ka respekt për atë si komedian por shtoi se ‘nuk e di se çfarë bën ai tani’.
“Ermal Mamaqit para disa muajve, kur po xhironte H.O.T, e mora në telefon dhe i thashë “Kam dëgjuar që do të bësh një serial, do kisha interes që të angazhohesha.” Ai në telefon si bossi, producenti, miliardri. Më tha ‘të shoh’, u mbyll telefoni. Unë prisja që të paktën,ta ketë për nder njëherë kur merr njeriu në telefon, se unë e çmoj veten time. Ai nuk të llogarit ai. Po ai është privat. Kam kërkuar rol edhe në Teatër, por nuk më jep njeri rol. Nuk flitet për rrogën, janë klanet e tyre, paaftësia e tyre. Ermal Mamaqi nuk besoj që do më gjykojë mua. Është ai që është për punën që ka bërë si komedian dhe për atë që bën tani që nuk e di çfarë bën. Kam respekt për atë që bën. Kërkon rol dhe nuk të japin. Të rrijë edhe urtë? Në vend që të bëj prova jam në plazh. Unë jam aktore që mund të jap. Kur them unë janë edhe të tjerë.”- tha ajo në një intervistë për emisionin “N’kohë”.
