![](https://www.shkodraweb.com/wp-content/uploads/2022/07/xhavid-isufi-komisar-arrestuar.jpg?x87856)
Prej ditësh tashmë, ndalimi i disa oficerëve të DVP Shkodër, vazhdon të mbetet kryetemë e lajmeve në media tradicionale e portale. Janë të shumtë ata që reagojnë, shprehin mendimet e tyre, edhe përmes rrjeteve sociale.
Siç dihet, tashmë ka një organizim në mbështetje të oficerit Saimir Rrustemi, ndërsa punonjës të policisë Shkodër, kanë tërhequr vemendjen edhe për kolegët e tjerë, që në mënyrë të pashpjegueshme e të çuditshme, janë tashmë të ndaluar me vendim gjykate.
Oficeri Xhavit Isufi nga Golemi i Njësisë Administrative Rrethina të Bashkisë Shkodër, është një efektiv ekzemplar, edhe për më të rinjtë që zgjedhin të veshin uniformën e policisë.
Gjatë tre dekadave sherbim në Policinë e Shtetit, si profesionist dhe zbatues i përpiktë i ligjit, gëzon një reputacion të lartë në çdo sektor ku ka punuar me përkushtim. Kolegët e tij japin vlerësime maksimale dhe janë të bindur në ndershmërinë e tij.
I mirëarsimuar, i komunikueshëm me kolegët, eprorët e qytetarët, korrekt dhe gjithmonë në mbështetje e përkrahje të më të rinjve në Policnë e Shtetit. Kolegët janë të bindur se shumë shpejt ai do të rikthet i lirë, i pastër në mesin e tyre, edhe pranë familjes së tij, dy fëmijëve që kolegët ia cilësojnë si “krenaria e Shkodrës” në mësime. /ShkodraWeb/