![](https://www.shkodraweb.com/wp-content/uploads/2022/10/frpd-logo.jpg?x87856)
Pasi kanë përfunduar zgjedhjet për kryetarin e Forumit Rinor të Partisë Demokratike në nivel kombëtar, kjo strukturë partnere e PD- së nis punën për zgjedhjet në degët e saj.
Në një njoftim në faqen zyrtare të FRPD- së, lidhur me këtë procedurë, bëhet me dije: “Ju njoftojmë me vendimin për ngritjen e grupeve të punës në nivel qarku, si dhe lista e kryetarëve të grupeve të punës në çdo qark për procesin e zgjedhjeve të drejtuesve lokal të degëve të FRPD.”.
Sipas shkresës me emrin e kryetarit Besart Xhaferri, janë miratuar grupet e punës sipas qarqeve, ndërsa janë përcaktuar edhe drejtuesit e tyre, që do të udhëheqin procesin deri në përfundimin e tij.
Kështu, qarku i Shkodrës i është besuar Ardit Qylybylit, i cili njëkohësisht është edhe nënkryetar i Bashkisë Shkodër. Ndërkohë, kryetari aktual i FRDP Shkodër Arvit Bushati, do të kryesojë grupin e punës për Qarkun e Lezhës.