![](https://www.shkodraweb.com/wp-content/uploads/2020/03/ambasada-amerikane-tirane.jpg?x87856)
Ambasada amerikane në Tiranë ka këshilluar qytetarët e saj që jetojnë në kryeqytet të shmangin këtë të shtunë zonat dhe rrugët përreth Kryeministrisë dhe në Bulevardin Dëshmorët e Kombit ku do të mbahet protesta e opozitës.
Ambasada këshillon qytetarët të rrinë të informuar për zhvillimet në lidhje me këtë tubim të thirrur të nisë në orën 16:00 të së shtunës së 12 nëntorit.
NJOFTIMI
Vendndodhja: Bulevardi Dëshmorët e Kombit – përballë Kryeministrisë.
Data/Ora: E shtunë, 12 nëntor, duke filluar nga ora 16:00
Ngjarja: Një protestë është planifikuar të zhvillohet në Bulevardin Dëshmorët e Kombit, përballë Kryeministrisë. Kjo protestë ka potencialin të përhapet në rrugët përreth duke shkaktuar bllokime të trafikut, devijime dhe mbyllje të rrugëve.
Qytetarët amerikanë këshillohen të shmangin tubimet e mëdha. Ndërsa shumë ngjarje të mëdha zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit.