![](https://www.shkodraweb.com/wp-content/uploads/2022/12/xhesika-uksh-shkoder-2022.jpg?x87856)
Grupet e terrenit të Ujësjellës Kanalizime Shkodër, vazhdojnë pastrimin dhe mirëmbajtjen e kanalizimeve dhe pusetave të ujrave të bardha në territorin e qytetit.
Ky proces është shumë i rëndësishëm për të mbajtur në efiçencë të plotë për këmbësorët dhe mjetet motorike në rrugët e qytetit, duke qenë se gjatë fundjaves pritet të ketë reshje intensive shiu ne Shkodër.
Xhesika Pjepniku, pjesë e stafit te degës teknike ne UKSH, tregon se është ndërhyrë edhe në sheshin para teatrit “Migjeni”, ku problematikat kanë qenë më të mëdha, duke pastruar pusetat dhe kanalizimet dhe ku UK Shkodër do të kryejë një investim për të zgjidhur përfundimisht situatën kur ka reshje me intensitet të lartë.
Ujësjellës Kanalizime Shkodër si gjithmonë është në sherbimin e qytetarëve, duke kërkuar bashkëpunimin e tyre qoftë për mirëmbajtjen e kanalizimeve e pusetave para banesave të tyre por edhe duke sinjalizuar për çdo problem të mundshëm.