![](https://www.shkodraweb.com/wp-content/uploads/2022/12/spiropali-beci-guri-zi-2022-1024x538.jpg?x87856)
Ndërsa sot në disa bashki, PD- ja zhvillon raundin e dytë të primareve për caktimin e kandidatëve për kryebashkiakë në zgjedhjet vendore të 2023- it, Partia Socialiste, të paktën në Shkodër, vijon atë që mund të quhet fushatë e pashpallur.
E deleguara e PS- së për qarkun Shkodër Elisa Spiropali, vazhdon të jetë mjaft aktive me takime në bashki të ndryshme. Pas Malësisë së Madhe ditën e djeshme, Spiropali sot ëa qenë në terrirotin e bashkisë Shkodër, njësinë administrative Guri i Zi. Në një shënim të shoqëruar me foto në rrjetet sociale, Spiropali shkruan:
“Gur i Zi, Shkodër – Kjo njësi e harruar nga pushteti i verbër i bastioneve, meriton më shumë vëmendje dhe investime.
Komunikimi i hapur me banorët, rigjenerimi i kapaciteteve të familjes tonë politike dhe afrimi i të gjithë atyre që duan të shohin ndryshimin e shumë pritur, na bënë bashkë në ketë takim domethënës.”, shkruan e deleguara e PS- së.
Në 30 vitet e fundit, është hera e parë që PS është kaq aktive, shumë përpara zhvillimit të zgjedhjeve vendore. Megjithatë, rezultati i këtyre përpjekjeve do të shihet vetëm me 14 maj, kur të zhvillohet gara e vertetë.
Ndërsa në 4 bashkitë e tjera do të ketë rikandidime të kryebashkiakëve aktualë, në Shkodër duket se Benet Beci është emri më i kuotuar. Është edhe i vetmi deputet që merr pjesë në të gjitha takimet për Shkodrën, i emëruar edhe përfaqësues politik i PS për bashkinë Shkodër. /ShkodraWeb/