Një lajm i trishtë ditën e sotme për artin, sidomos për amatorët e muzikës popullore shkodrane. Ka ndërruar jetë në moshën 59 vjeçare Astrit Mulia, këngëtar i njohur në zonën e Shkodrës dhe përtej.
Mulia u aksidentua mbrëmjen e të shtunës, në aksin Shkodër- Koplik, në afërsi të fshatit Shtoj i Ri. Manjëherë ai është dërguar në spital, por dëmtimet e marra nga përplasja, i kanë shkaktuar vdekjen.
Mulia është edhe daja i këngëtares së mirënjohur shqiptare Elhaida Dani. Mulia, ka qenë mjaft i preferuar në eventet familjare por edhe publike në zonën e Shkodrës, për interpretimin e tij të veçantë e origjinal të këngëve popullore shkodrane.
Sipas policisë, Mulia u përplas nga një autoveturë e drejtuar nga një shtetas 68 vjeçar. ShkodraWeb i shpreh ngushëllimet e veta familjes, të afërmëve, të njohurve të të ndjerit Astrit Mulia.
