![](https://www.shkodraweb.com/wp-content/uploads/2022/07/policia-shkoder-2022.jpg?x87856)
Policia e Shkodrës, këshilla të vlefshme për festat e fundvitit
Edhe pak kanë ditë kanë mbetur nga festimi i ndërrimit të viteve.
Drejtoria Vendore e Policisë Shkodër dëshiron t’u kujtojë të gjithë qytetarëve, që festa të tilla masive, përcillen më mirë, kur nuk ndodhin ngjarje apo situata, që cenojnë atmosferën festive. Të gjithë dëshirojmë të kalojmë sa më mirë darkën e vitit të ri dhe të presim me gëzim, vitin e ri 2️⃣0️⃣2️⃣3️⃣
Bashkë me urimet e rastit, Policia e Shkodrës ndan me komunitetin e qarkut disa këshilla, që synojnë njëherësh mbarëvajtjen e këtyre ditëve festive, por edhe sigurinë e qytetarëve:
✅️ DVP Shkodër ka marrë masa për të garantuar rendin dhe sigurinë publike në territor, akset rrugore e drejt pikave të kalimit të kufirit, zonat urbane, turistike e jo vetëm;
✅️ Për festat e fundvitit, është planifikuar një paketë e posaçme masash, të cilat synojnë garantimin e rendit dhe sigurisë për qytetarët, drejtuesit e mjeteve, vizitorët apo turistët, që kanë zgjedhur të festojnë në qarkun tonë,
✅️ Zyrat e shërbimit për qytetarët, numrat e emergjencës policore dhe shërbimet, do të jenë të hapura dhe në gadishmëri të plotë për cilindo që do të ketë nevojë apo do të kërkojë ndihmë;
❗️Këshillojmë qytetarët dhe përdoruesit e rrugës, të zbatojnë me rreptësi rregullat e qarkullimit rrugor; të respektojnë normat e shpejtësisë së mjeteve; të shmangin parakalimet e gabuara; të vendosin rripin e sigurimit dhe kaskat mbrojtëse; të parkojnë mjetet në vendet e caktuara; të kontrollojnë sistemin e ndriçimit të mjeteve dhe ata që udhëtojnë drejt zonave turistike malore, të përdorin gomat dimërore dhe zinxhirët për borë e akull;
⛔️ Drejtuesit e mjeteve të mos përdorin pije alkoolike, kur janë në timon. Personat që kanë konsumuar pije alkoolike, i këshillojmë të mos përdorin automjetet e tyre, por të kërkojnë shërbimin taksi për të udhëtuar në destinacion;
❗️Këshillojmë që përdorimin e fishekzjarrëve dhe lëndëve të tjera piroteknike, ta bëjnë vetëm personat madhorë dhe në asnjë mënyrë të miturit;
📞 Ju rikujtojmë se na keni vetëm një telefonatë larg në nr 1️⃣1️⃣2️⃣
Ju urojmë gëzuar dhe ta kaloni sa më mirë Festën e Vitit të Ri 2023, shëndet e begati për të gjithë!
Drejtoria Vendore e Policisë Shkodër