Kontrolli që u bë në prag të festave të fundvitit në shtëpinë e Vis Martinajt, sipas Poli Hoxhës ishte një show.
Gazetari tha në një intervistë televizive se e gjitha u bë në kuadër të afatit që kryeministri Edi Rama i caktoi Rrumbullakut për gjetjen e të shumëkërkuarit Martinaj.
“Ishte normale që të gjendeshin disa gjëra që u gjendën atje, por që nuk ndihmojnë në këtë çështje,” – u shpreh Hoxha.
Ai tregoi që ideja lindi nga një përgjim në burgun e sigurisë së lartë ku një nga të burgosurit është dëgjuar t’i thotë të burgosurve të tjerë që Martinaj për Krishtlindje do të jetë në shtëpi.
