![](https://www.shkodraweb.com/wp-content/uploads/2023/01/arqipeshkvi-mjeda-masonet-shkoder-1024x539.jpg?x87856)
A e dini se në Shkodër ka vepruar një lozhë masonike?
Në dokumentin e mëposhtëm, i cili daton një shekull më parë, arqipeshkvi Mjeda informonte Legatën Italiane për orvatjet e qendrës masonike parisiane mbi çeljen e një filiali në kryeqendrën e veriut të vendit.
“Arqipeshkvi Mjeda më ka thënë se deputeti Ivanaj do të ngarkohej nga Justin Godart që është mason, për të themeluar në Shkodër një lozhë masonike nën varësinë e qendrës masonike të Parisit. Pra, do të hapet një fushatë e fortë e klerit kundër këtij deputeti në pritje të zgjedhjeve.”- shkruhet më tej në dokument.
![](https://www.shkodraweb.com/wp-content/uploads/2023/01/Justin_Godart-1536x2048.jpg?x87856)
Godart-i, i njohur si “mik i Shqipërisë”, ka një historik angazhimesh për mbrojtjen e të drejtave të vendit tonë. Që prej vizitës së tij të parë në Shqipëri, në cilësinë e parlamentarit francez, i sugjeroi Ministrit të Punëve të Jashtme të vendit të tij të origjinës njohjen e qeverisë shqiptare. /Publikuar në faqen zyrtare në Facebook të Drejtoria e Përgjithshme e Arkivave/