MOTI – Parashikimi i sinoptikanëve për vendin tonë, për ditën e shtunë, 11 shkurt 2023…

Shërbimi Meteorologjik Ushtarak bëri të ditur se për ditën e shtunë vendi ynë do të vijojë të ndikohet nga kushte të qëndrueshme atmosferike falë masave ajrore të ftohta me origjinë veriore.

Në këtë mënyrë moti parashikohet i kthjellët në pjesën më të madhe të territorit por gjatë pjesës së dytë të ditës ne veri do të ketë edhe prezencë të vranësirave mesatare dhe hera-herës deri të dendura. Në zonat luginore në orët e mëngjesit mjegull e dendur / mjegullinë dhe shikim i reduktuar.

Era do të fryjë me drejtim verilindje –veriperëndim me shpejtësi mesatare nga 1 – 8m/s, ndërsa përgjatë vijës bregdetare jugore dhe zonat luginore era intensive me shpejtësi deri në 12 m/s. Valëzimi në dete i forcës 2 – 3 ballë.