Partia Socialiste ka dërguar në KQZ kërkesën për regjistrim në zgjedhjet vendore të 14 majit. Kërkesa zyrtare për t’u regjistruar në zgjedhje është firmosur nga Sekretari për Çështjet Ligjore dhe Zgjedhore në PS, Eridian Salianji.
Ndërkohë KQZ pritet që të bëjë mbledhje në ditët në vijim për miratimin formal të kësaj kërkese.
Partia e Lirisë bëri kërkesën për t’u regjistruar në Komisionin Qendror të Zgjedhjeve më 2 mars.
Ndërsa përfaqësuesi ligjor i grupit të Enkelejd Alibeajt, Indrit Sefa pas përfundimit të gjyqit për vulën e PD mbrëmjen e së premtes (3 mars), tha se ditën e hënë do të regjistrohen në Komisionin Qendror të Zgjedhjeve për zgjedhjet e 14 Majit.
