![](https://www.shkodraweb.com/wp-content/uploads/2022/10/edi-paloka-pd.jpg?x87856)
Deputeti i PD, Edi Paloka është shprehur kundër propozimit të Enkelejd Alibeajt për të negociuar dhe për të dalë bashkë me një kandidat të përbashkët në zgjedhjet e 14 majit.
I ftuar në emisionin “Open” në News24, ai tha se më mirë do të ishte bashkëpunimi me kryeministrin Edi Rama se sa bashkëpunimi me grupimin e Alibeajt.
“Vetëm fakti që ky propozim del nga goja e Alibeajt…Kandidatët kanë dalë nga vota e anëtarësisë. Kush do ti mbështesë është i mirëpritur. Kush mendon se është mashtruar edhe së fundmi nga Alibeaj është i ftuar të na bashkohet.
Nëse na duhet të bashkëpunojmë me dikë për zgjedhjet më mirë bashkëpunojmë me Ramën. Pse duhet t’i biem nga Alibeaj për të arritur tek Rama?”, ka deklaruar ai.