![](https://www.shkodraweb.com/wp-content/uploads/2023/03/partizani-vllaznia-kupa-2023-1024x536.jpg?x87856)
Vllaznia kualifikohet në gjysmëfinalen e Kupës së Shqipërisë. Ndeshja e parë me Partizanin kishte përfunduar 3-1 për ekipin e Josës, ndërsa kryeqytetasit triumfuan 1-0 sot. Në minutën e 22-të, Cara do lëshonte një sinjal të qartë për rivalët, goditje nga distanca por u neutralizua nga Qarri.
Sfida do zhbllokohej në minutën e 25-të. Do ishte Mensah që do përfitonte pas një keqkuptimi në prapavijën shkodrane, për të shënuar kështu në portën e kundërshtarit.
Portieri i Vllaznisë, Qarri do shpëtonte portën nga një gol i sigurtë në minutën e 62-të, duke i thënë “Jo” Rrapaj-t dhe Carës. Në minutën e 87-të, Cara do dërgonte në festë ekipin e kuq, por gëzimi do zgjaste pak pasi arbitri do anulonte golin pas rishikimit me VAR (Da Silva shkeli Gurishtën).
Në fund e gjithë festa i takon Vllaznisë, skuadër kjo që do kërkojë të fitojë trofeun.