![](https://www.shkodraweb.com/wp-content/uploads/2023/03/laci-vllaznia-pj-2-2023-1024x536.jpg?x87856)
Laçi priti sot Vllazninë në përballjen për ndeshjen e vlefshme për javën e 26-të të Kategorisë Superiore.
Kurbinasit vinin pas humbjes me Tiranën ndërsa kuqeblutë pas barazimit me Partizanin.
Vendasve ju duhej një fitore me çdo kusht për të dalë nga kriza dhe shkodranëve për tu ngjitur në renditje. Kurbinasit kishin nevojë ulëritëse për pikë dhe Vllaznia “ia plotësoi” dëshirën.
MINUTA 31’ GOL LAÇI! Gurishta gabon dhe kurbinasit i marrin topin me Guindon i cili e ka të thjeshtë të mposhtë Zogoviç.
MINUTA 41’ GOL LAÇI! Kundërsulm i shpejtë i kurbinasve me dyshen Guindo-Babtunde. Ky i fundit gjuan por gjen përgjigjen e Zogoviç, sfera shkon te Guindi i cili gjuan në portë dhe shënon.
45 minutat e dyta nuk sollën asnjë gol, duke lënë në fuqi rezultatin e pjesës së parë. Kjo humbje largon edhe më shumë Vllazninë nga pretendimi i titullit kampion në Superligë.