Hapësina të reja në bibliotekë. Megjithese e re, biblioteka “Zoja e Shkodrës”, në vazhdimësi po pasuron fondet e saja. Janë blemjet, dhuratat e institucioneve, autorët shqiptarë dhe të huaj, dhe personat privatë, shqiptarët që jetojnë në vende të ndryshme të Evropës dhe SH.B.A-ve që e kanë pasunue, fondet dhe Antiquarin e bibliotekës.
Një falenderim shkon edhe për Hirësinë e tij Imzot Angelo Massafra, që ka dhurue disa tituj të librave të bibliotekës së tij.
Në këto rrethana, Famullitari dhe Drejtori i bibliotekës, Prof. Gjon Çuni kane zgjanue hapësirat e bibliotekës, tuj hapë në sallën Monsinjor Ernesto Çoba (prelat i kishës, poet dhe prozator) fondin e librit fetar dhe atë të huaj. Këto fonde janë mjaft të pasun me literaturë bashkëkohore dhe retrospektive.
Në fondin e huaj gjenden një serë trajtesash shkencore dhe letrare në gjuhët perëndimore dhe lindore. Fondet janë të hapuna. Ata mund të konsultohen prej çdo njeriu. Të gjithë librat janë tuj u përpunue e klasifikue sipas sistemit K.D.U.
Salla është mjaft e kandshme për lexuesit. Me një numër rreth 20 postesh leximi, me një ndriçim bashkëkohor, ajo shërben edhe si sallë studimi dhe sallë aktivitetesh, mjafton me ba një kërkesë pranë Famullisë “Zoja e Shkodrës”. /Publikuar në faqen zyrtare në Facebook të Biblioteka “Zoja e Shkodrës”/
