![](https://www.shkodraweb.com/wp-content/uploads/2023/04/bardh-spahia-shkolla-oblike-emri-2023-1024x536.jpg?x87856)
Shkolla e fshatit Oblikë në njësinë administrative Ana e Malit nga kjo e mërkurë mban emrin e “Dëshmorit të Atdheut”, Idriz Hoxha. Në ceremoninë e organizuar me këtë rast ishin të pranishëm familjarë, miq dhe kolegë të tij, si dhe kryetari i bashkisë Bardh Spahia.
Ai vlerësoi figurën e Idriz Hoxhës, birit të kësaj zone dhe modelin që dha në radhët e ushtrisë shqiptare, ku shembulli i tij duhet të shërbejë si frymëzim për brezat e rinj.
Në emër të familjes, e bija Jonida Hoxha falenderoi bashkinë Shkodër për vendimin që shkolla e Oblikës të marrë emrin e babait të ndjerë, i cili ishte aq i lidhur me zonën e tij.
Kolonel Idriz Hoxha ka shërbyer në Regjimentin e Rinasit ku ka kryer detyra të ndryshme, deri Komandant Regjimenti. Ra në krye të detyrës, ndërsa fluturonte me avion MIG-19 mbi Detin Adriatik, në rajonin e Divjakës me 20 gusht 1993.