Ka mbetur edhe një javë nga përfundimi i fushatës elektorale për 14 maj 2023. Ditën e sotme, kandidati i PS- së për kryetar bashkie në Shkodër, Benet Beci, ka surprizuar ndjekësit në rrjete sociale, duke publikuar këngën “Si ke ndje”, e përgatitur enkas për zgjedhjet vendore.
“Mirëmëngjes me këngën e #shkodra pozitive, dhuratë e miqve të mi artistë, për të gjithë ne!”, shkruan Benet Beci në faqen e tij zyrtare në Facebook.
Kënga është realizuar si pjesë e fushatës “Shkodra pozitive” e Benet Becit për Bashkinë Shkodër, muzika e orkestrimi nga Adrian Hila, teksti Pandi Laço, këndon Irian Taraboshi, video nga Olti Ferhati.
